மன்னார்குடி நீதிமன்றத்தில் வழக்கறிஞர்களுக்கான கண் பரிசோதனை முகாம் – நீதிபதி முத்துராமன் தொடங்கிவைத்தார்.

மன்னார்குடி, நவம்பர் 13:

தமிழ்நாடு முழுவதும் வட்ட சட்டப்பணிகள் குழு சார்பில் நடைபெற்று வரும் நீதிமன்ற கண் பரிசோதனை முகாம்களின் ஒரு பகுதியாக, திருவாரூர் மாவட்டம் மன்னார்குடி குடும்ப நல மற்றும் சார்பு நீதிமன்ற வளாகத்தில் வழக்கறிஞர்களுக்கான கண் பரிசோதனை முகாம் நடைபெற்றது.

முகாமை சார்பு நீதிமன்ற நீதிபதி முத்துராமன் அவர்கள் அதிகாரப்பூர்வமாக தொடங்கி வைத்தார். முகாமில் மருத்துவர்கள் இலவச கண் பரிசோதனையுடன், சர்க்கரை நோய், இரத்த அழுத்தம் உள்ளிட்ட பல்வேறு மருத்துவ பரிசோதனைகளையும் செய்து, தேவையான ஆலோசனைகளை வழங்கினர்.

இந்த நிகழ்ச்சியில் அரசு கூடுதல் வழக்கறிஞர் அன்புச் சோழன், மனித உரிமை ஆணையம் மாவட்ட அரசு சிறப்பு வழக்கறிஞர் கலைவாணன், மூத்த வழக்கறிஞர்கள் தமிழரசன், உதயகுமார், வழக்கறிஞர் சங்க தலைவர் இளஞ்சேரன் உள்ளிட்ட பலரும் கலந்துகொண்டனர்.

நீதிமன்ற வளாகங்களில் இவ்வகை மருத்துவ முகாம்கள் நடத்துவது வழக்கறிஞர்கள் நலனை பாதுகாக்கும் நல்ல முன்வைத்த முயற்சியாக பார்க்கப்படுகிறது.